Fjaler: Gards- og ættesoge bd IV B

Atle Ness

I Fjaler var dei tidleg ute og fekk ferdig ei gards- og ættesoge alt i 1976. Historisk sett er dei 27 åra som har gått sidan dette for inkje å rekne, men sjølv med eit folketal på kring 3000, er det mange endringar å ta vare på frå eit slikt tidsrom. Mange kjem til, andre går frå, og folk gifter seg og skil seg, flyttar saman og frå kvarandre og stiftar familie slik dei alltid har gjort. Slik sett kjem ei ættesoge fort på etterskot. Den må oppdaterast.

Frå 1990 kom endring av kommunegrensene inn og reiste spørsmål om korleis ei framskriving skulle ordnast. for den nye eller den gamle Fjaler kommune? Etter samråding med Askvoll vart det vedtek å skrive gards- og ættesoge fram for Fjaler kommune slik kommunen var fram til 1990, sjølv om nordsida av Dalsfjorden seinare vart delt mellom Askvoll og Gaular, og Fjaler hadde fått Våge krins.

Desse to siste binda av Fjaler sin gards- og ættesoge er framskriven til 2003.